Hanes

Sefydlwyd y Côr yn 1967 gan gwmni bychan o weithwyr yn ffatri Ferodo ar ffin tref Caernarfon. Dros gyfnod o amser mae cysylltiad ‘Ferodo’ wedi lleihau, ac ar hyn o bryd mae’r Côr yn tynnu ei aelodaeth o dref Caernarfon a chefngwlad eang o amgylch, a hefyd o gylch eang o alwedigaethau yn cynnwys cyfreithwyr, athrawon, heddweision, peirianwyr a ffermwyr. Mae’r Côr wedi mwynhau nifer o ymweliadau tramor llwyddiannus ac mae gofyn parhaol am ei ymddangosiad i gynnal cyngherddau trwy Brydain Fawr, ac aml ymddangosiadau ar y teledu.

Y mae’r Côr yn ymffrostio mewn rhestr llwyddiant cynyddol mewn cystadleuon corawl o fri, ac sydd yn cynnwys cofnodiad urddasol, hyd yn hyn o ennill naw gwaith yn y gystadleuaeth i gorau meibion yn yr Eisteddfod Genedlaethol.

Y diweddaraf yn Mis Awst 2003 pan enillodd y Côr yn Eisteddfod Meifod a’r Cylch.

Cliciwch yma i weld rhestr llwyddiant y Côr.

Ymunodd Mrs Menai Williams B.A. fel arweinyddes y Côr, yn 1993, ac bu hi yn arwain yn frwd iawn am 15 mlynedd hyd nes ei hymddeoliad yn 2008. Yn 2008 penodwyd Mrs Delyth Humphreys B.Mus, fel arweinyddes newydd y Côr, ac mae ei doniau cyfoethog hi ynghyd â’r gyfeilyddes, Mrs Mona Meirion Richards B.A., L.R.A.M. wedi dihuno brwdfrydedd o’r newydd o fewn y Côr.

Mae’r Côr wedi teithio dramor fel a ganlyn:- Canada 1975 ac 2000, Gorllewin yr Almaen 1979 a 1992, Yr Unol Daleithiau 1982 a 1988, Brussels a Luxenbourg 1987, Yr Iseldiroedd 1991 a 1994, Llydaw 1993 ac Iwerddon 1995, 2002 a 2005.