NODDWR ANRHYDEDDUS:
Syr Bryn Terfel, Bontnewydd

Neges a dderbyniwyd gan Syr Bryn Terfel, Noddwr Anrhydeddus, ar achlysur 50fed penblwydd y côr:

Llongyfarchiadau i bawb sydd yn gysylltiedig â Chôr Meibion Caernarfon ar ddathlu hanner can mlynedd ar y brig.

Yn 1988, cefais wahoddiad i ymuno â chi fel unawdydd ifanc, 22 mlwydd oed, ar daith hynod ddiddorol o arfordir dwyreiniol yr Unol Daleithiau – profiad amhrisiadwy yn nyddiau cynnar fy ngyrfa. Yna yn 1992, fe wnaethoch fy ngwahodd i fod yn unawdydd yn eich cyngerdd pen-blwydd yn bump ar hugain mlwydd oed yn Neuadd Pritchard Jones Bangor.

Rydym wedi canu gyda’n gilydd amryw o weithiau dros y blynyddoedd, mewn llefydd fel Neuadd Symffoni Birmingham, yn fy nghyngerdd “Bryn Terfel a Chyfeillion” yn y Neuadd Fawr Aberystwyth, ac i lawr y ffordd yng Ngŵyl y Faenol.

Mae’r côr wedi gwneud cyfraniad hir a gwerthfawr i gerddoriaeth gorawl yng Nghymru - mewn cyngherddau ac eisteddfodau, ac fel comisiynwyr darnau gan gyfansoddwyr cyfoes Cymreig.

Pleser o’r mwyaf oedd derbyn y gwahoddiad i ddod yn “Noddwr Anrhydeddus” i’r côr yn 1997. Ardderchog Delyth, Mona a’r aelodau presennol i gyd, heb anghofio cyfraniad eich rhagflaenwyr at hanes anrhydeddus y côr. Pob lwc am yr hanner can mlynedd nesaf!

Syr Bryn Terfel
Gorffennaf 2017

LLYWYDD:

• Dr Huw Roberts

IS-LYWYDDION:

• John Hywel
• Alun Ffred Jones
• Eric Jones
• Gareth Hughes Jones
• Elinor Bennet Wigley
• Ian Trew
• Dr Dewi Davies
• Owen Parry
• Winston Roddick CF,CB
• Dr Gareth Owens
• William Alwyn Jones
• Aled Roberts
• John Loyd Williams
  
• Bobby Haines
  
• Dafydd J Jones
• Robin McBryde
• John Evans